Palman Tuhan ma Bahasa Sinama

Kalangan Saga Ummat Tuhan 1

Sangay min tagna', takilā asal saga ummat Tuhan ma pagusal saga kalangan pamudji maka pagsambahayang ma iya. Dakayu' suntu'an, kissa si Nabi Musa maka danakanna si Mariyam. Waktu kalabay sigām maka saga pagkahi sigām min tahik bay tinonga' e' kawasa Tuhan, bay magkalang pamudji Tuhan apa makal'ppa na min okoman Pira'un (Kitab Tawrat).

Si Nabi Da'ud bay anulat labi dangibu kalangan (ongka' atawa lagu). Pandu' pasalan Jūd Kalangan ma Bahasa Sinama (Bajau)

Ya Kitab Jabul itu, ya na saga kalangan bay tasulat. Kaheka'an kalangan inān bay min si Nabi Da'ud. Na b'nnal, ya ma'ana Jabul itu (Zabur) ma bahasa Arab, hatina "kalangan". Bay isab anulat labi dangibu kalangan si Nabi Sulayman, ya anak si Nabi Da'ud. Aniya' dakayu' kalanganna abantug to'ongan, dakayu' jūd ma Kitab Jabul niōnan "Kalangan si Sulayman."

Aniya' tasulat ma Kitab Kanabihan, sambahayang si Hanna waktu paganakna ma si Nabi Samwel. Aniya' isab dakayu' tasulat ma Kitab Injil, sambahayang si Mariyam pagsambutna lapal pasalan pangiramna ma Al-Masi. Bang ma pamandu' saga guru, saga sambahayang sigām itu bay kinalang. Hati, si Hanna bay angalang ma panambahayangna ma paganakna ma si Nabi Samwel (Kitab Kanabi-nabihan). Damikiyanna si Mariyam isab, angalang iya ma pagsambutna lapal angiram iya ma Al-Masi minsan budjang lagi' iya (Kitab Injil).

Ya du kalangan si Nabi Musa, kinalang kono' pabīng pagkiyamat dunya maka isab kalangan si Nabi Isa (Kitab Injil).

Ya 12 kalangan maitu ma DVD Kalangan Saga Ummat Tuhan Vol. 1, abantug na ma saddī-saddī bahasa mareyom dunya. Bay isab asal tasalin sangay tagna' ya saga kalangan itu maka at'ggol na pinagusal ma saga ummat Tuhan bebeya'an si Isa ma katilingkal Sulu maka Mindanao. Ma buwattina'an manjari kam pakale maka mag-download minnitu. T'kkonunbi sadja ma ōn kalangan mareyo' itu.


Bang kam bilahi lagi' makata'u paheka pasalan bang angay niusal kalangan ma pagpudji' ni Tuhan maka bang kam bilahi pakale ma 12 kalangan Sinama, pehē' kam ni Kalangan Saga Ummat Tuhan Vol. 2 .

Bang saga kalangan Krismas, t'kkonunbi Kalangan Krismas .

Bang kam bilahi ang'nda' maka mag-download saga videoke kalangan itu maka kasehe'an kalangan, pehē' kam ni Videoke page .