Saga Kitab bay sinalin ma Bahasa Sinama maka Kasehe'an Pandu'

Salam Saga Dauranakan Kami Kasamahan,

"Ma awal jaman lagi' araran e' Tuhan amasampay palmanna ni ka'mbo'-mbo'antam labay min kanabi-nabihan maka aheka ginisan lān bay pamasampayna."

Ma buwattina'an paheka lagi' ginisan lān bo' kita makabāk palmanna. Ma masa awal mbal kita makahati ya palman itu sabab saddī bahasana. Ma buwattina'an bay na sinalin ni bahasata Sinama. Ma bay dahū, ahunit amiha saga kitab bay min Tuhan sabab saga a'a hadja amowa maka amasampay. Ma buwattina'an, bang tatuliꞌta website itu tabākta na maitu saga palman kamemon bay na sinalin ni bahasata. Mbal hat binassa palman itu, ma buwattina'an manjari na minsan hal kinale atawa ta'nda'ta ma video. Kahāpan itu ma kita Kasamahan.

Kitab ma Bahasa Sinama (Bajau)

Ai aniya' ma website itu?

Pabalik-balik kam pi'itu bo' kam maka'nda' bang aniya' saga kalangan baha'u, pagnasihat, sini atawa pagtangkap baha'u min saga Kitab.

Ayat Min Kitab Llaw-Llaw

Bang aku pahangad ni langit bo' angira-ngira kahinangan tangannu, bang nda'ku bulan maka saga bitu'un ya bay pat'nna'nu ma b'ttong langit, tabowa aku atilaw pasal kami manusiya'. Ai kapūsan kami angkan kami pagka'inagonannu? Angay kannalnu bangsa manusiya' ya mbal anatas itu? Kalangan 8.3-4

Pabīngun ni aku kalasigan ya bay ma aku tagna' kapangalappasnu ma aku. Buwanin aku kajarihan ahutu bo' tahinangku kabaya'annu. Kalangan 51.12

O Tuhan, ka'a ya Tuhanku, landu' aku angentom ma ka'a. Bang aku alawak min haddaratnu, ya sapantunna lahat paslangan halam aniya' bohe'na. Patay bohe' palnyawahanku, apanggang baranku ma sabab katuyu'ku ma ka'a. Kalangan 63.1

Yuk sambung si Isa, "Ya mbal takole' e' manusiya' takole' du e' Tuhan."  Lukas 18.27

“Aku itu dī po'onan tinanom, bo' ka'am ya dalil kasangahanku. Sai-sai kam pat'ttog ma aku, bo' aku isab pat'ttog ma iya, aheka buwa'na ma kaul maka pi'il. Sabab bang a'a ganta' autas min aku, halam aniya' tahinangna ahāp.” Yahiya 15.5

Download saga patta' itu.
Share saga patta' itu ma Facebook-bi.

Share